Moldova Parlamenti prezıdent saılaýyn 30 qazanǵa belgiledi

ASTANA. QazAqparat - Moldova Parlamenti juma kúni ótken kezekti otyrysynda prezıdent saılaýyn 30 qazanda ótkizý týraly sheshimdi kópshilik daýyspen bekitti, dep habarlady reseılik «RIA Novostı» agenttigi.

Bul sheshimge Moldavııa Respýblıkasy Sotsıalıster partııasy men Moldovanyń kommýnıster partııasynyń depýtattary daýys bermedi, budan buryn olar daýys berýge nıetti emes ekendikterin málimdegen.

Moldova konstıtýtsııalyq soty 4 naýryzda 2000 jyly 5 shildedegi eldiń negizgi zańyna engizilgen ózgertýdiń kúshin joıǵan. Osylaısha, konstıtýtsııalyq sot memleket basshysynyń aldyńǵy saılaý ótkizý tetigin kúshinde qaldyrǵan. Bul rette sot erejeniń de kúshin joıǵan joq. Oǵan sáıkes prezıdent ornyna 40-qa tolǵan úmitkerler ǵana talasa alady.

Qazirgi Moldova prezıdenti Nıkolaı Tımoftıdiń tórt jyldyq mandaty 23 naýryzda aıaqtalǵan. Konstıtýtsııalyq sot «ol jańa memleket basshysy saılanǵanǵa deıin óz mindetin atqarýdy jalǵastyra beredi», dep málimdedi.