Moldova oppozıtsııasy Maııa Sandýdy qyzmetinen shettetpek
ASTANA. KAZINFORM — Moldovadaǵy oppozıtsııalyq depýtattar prezıdent Maııa Sandýdy qyzmetinen shettetý bastamasyn kóterdi. Qujattyń jobasy parlamentke engizilgen, dep habarlaıdy Kazinform BelTA-ǵa silteme jasap.
Bastamany depýtat Ion Chıký usyndy. Qujatqa 101 depýtattyń 46-sy qol qoıdy.
Oppozıtsııa Maııa Sandýdy eldiń Konstıtýtsııasy men zańdaryn, sonyń ishinde saıası beıtaraptyq qaǵıdatyn buzdy, azamattardyń keıbir quqyqtary men erkindikterine qol suqty dep aıyptaıdy. Qazirgi ýaqytta bul aıyptaýlardy oppozıtsııalyq fraktsııalardyń ózderi ǵana aıtyp jatyr.
Bes oppozıtsııalyq fraktsııanyń ókilderi zań jobasynyń tirkelgenin jarııalady, olardyń aıtýynsha, qujatta qazirgi úkimetke qarsy shamamen 50 bet shaǵym bar. Qujat endi parlamentte qaralýy kerek.
Moldova zańyna sáıkes, depýtattardyń kem degende úshten biri qoldasa, prezıdentke qatysty ımpıchment rásimi bastalýy múmkin. Maquldaý úshin depýtattardyń úshten ekisiniń daýysy qajet, sodan keıin prezıdenttiń otstavkaǵa ketýi týraly referendým ótkiziledi.
Eske sala keteıik, buǵan deıin Moldovada premer-mınıstr aýysqan.
