Moldova men Grýzııa Eýroodaqqa múshe bolmaq
Bul týraly respýblıka prezıdenti Maııa Sandý málim etti.
Onyń aıtýynsha, bul eldiń negizgi maqsaty jáne óz bolashaǵyn EO quramynda kóretin azamattardyń tańdaýy.
Taıaýda eldiń syrtqy ister jáne eýropalyq ıntegratsııa mınıstri Nıkolaı Popeský el basshylyǵy NATO-ǵa kirý máselesin qarastyrmaıtynyn málimdegen edi.
Moldova birqatar mindettemeni moınyna alyp, 2014 jyly EO-men qaýymdastyq týraly kelisimge qol qoıdy.
Grýzııa premer-mınıstri Iraklı Garıbashvılı Eýropalyq Odaqqa kirýge kandıdat mártebesin berý týraly ótinishke qol qoıdy.
Onyń málimdeýinshe, bul sheshim Grýzııanyń eýropalyq ıntegratsııa jolyndaǵy taǵy bir mańyzdy kezeńi bolmaq.
«Grýzın armany – Demokratııalyq Grýzııa» bıleýshi partııasynyń basshysy Iraklıı Kobahıdze eldiń 2024 jyly ótinish berýdi josparlaǵanyn, biraq Eýroodaqqa shuǵyl júginýge sheshim qabyldaǵanyn atap ótti.
Bıliktiń sheshimin oppozıtsııalyq partııalardyń ókilderi de qoldady.
Olar eýropalyq seriktestermen tıimdi kelissóz júrgizý úshin birlesken jumys tobyn qurýdy usynyp otyr.
