Moldova gazben júretin avtomobılderge birqatar tyıymdar saldy

ASTANA. QazAqparat - Moldova Respýblıkasynda gaz júıesimen jabdyqtalǵan kólik quraldaryna kóptegen qoǵamdyq oryndarda júrip-turýǵa tyıym salynady. El úkimeti qabyldaǵan sheshimniń tıisti qaýlysy erteń «Monitorul Official»-da jarııalanady, dep habarlaıdy QazAqparat «MOLDPRES»-ke silteme jasap.

Engizilgen jańa ózgeristerge sáıkes, gaz júıesimen jabdyqtalǵan kólik quraldaryn kópqabatty turǵyn úılerdiń jerasty turaqtaryna, áleýmettik-mádenı ǵımarattardyń, memlekettik jáne ákimshilik ǵımarattardyń turaqtaryna qoıýǵa tyıym salynady. Sondaı-aq, ondaı mashınalardy jabyq jerasty kólik turaqtaryna qoıýǵa, tipti kirýge ruqsat etilmeıdi.

Mundaı ózgerister gaz júıesimen jabdyqtalǵan kólik quraldaryn paıdalaný kezinde órt shyǵý men jarylys qaýpin tómendetýge baǵyttalǵan. Qaýly jarııa etilgennen keıin kúshine enedi.