Moldova boks federatsııasy World Boxing quramyna qabyldandy

KAZINFORM - Halyqaralyq olımpıadalyq komıteti moıyndaǵan World Boxing federatsııasy quramyna Moldova boks federatsııasy qabyldandy.

Bul jóninde federatsııa basshylyǵy málim etti.

Aldaǵy ýaqytta moldovalyq boksshylar atalǵan uıym aıasynda ótetin halyqaralyq barlyq týrnırge qatysa alady. Sonyń ishinde 2026 jyldyń kúzinde Senegalda ótetin jasóspirimder olımpıadasy da bar.

Halyqaralyq federatsııa 2023 jyly sáýir aıynda quryldy. 2025 jyldyń qarasha aıynda bul uıym tizginin qazaqstandyq tájirıbeli maman jáne belgili boksshy Gennadıı Golovkın ustady.

Onyń ókilettik merzimi 3 jylǵa sozylady. ıAǵnı, Los-Andjeles Olımpıadasyna deıin jalǵasady.

Oǵan deıin atalǵan qyzmetti nıderlandtyq Borıs van der Vorst atqarǵan edi. 

Qazir halyqaralyq federatsııa quramyna 155 memleket múshelikke qabyldanǵan. Olardyń qatarynda Azııa, Afrıka, Amerıka, Eýropa qurlyqtary men muhıt aımaǵynyń bylǵary qolǵap sheberleri bar. 

Bıyl federatsııa tarapynan uıymdastyrylatyn kóptegen sporttyq sharalar engizilgen.

Olardyń qatarynda Azııa jáne Eýropa chempıonattary, jazǵy Azııa oıyndary bar. Sondaı-aq World Boxing ótken jyldaǵy sekildi álem kýbogyn ótkizýdi josparlap otyr.