Moldova armııasy NATO jattyǵýlaryna qatysady
ASTANA. KAZINFORM — Moldova armııasy Grýzııada 23 shilde men 7 tamyz aralyǵynda ótetin Agile Spirit 2025 kópultty oqý-jattyǵýlaryna qatysady, dep habarlaıdy ria.ru Moldova Qorǵanys mınıstrliginiń baspasóz qyzmetine silteme jasap.
Jattyǵýlarǵa NATO elderiniń ókilderi de qatysady.
— Moldova ofıtserleri NATO-ǵa múshe Rýmynııa, Bolgarııa, AQSh, Polsha jáne Lıtva sııaqty elderdiń áskerı qyzmetkerlerimen yntymaqtasady, - delingen mınıstrliktiń saıtynda.
Oqý-jattyǵýlardyń maqsaty áriptes elder armııalarynyń jaýyngerlik qabileti men jedel árekettestik qabiletin, sondaı-aq halyqaralyq bitimgershilik operatsııalary aıasyndaǵy is-qımyldardyń tıimdiligin arttyrý ekeni atap ótildi.
Moldova áskerıleri 2023 jyldan beri Agile Spirit baǵdarlamasy boıynsha daıyndalyp keledi.Konstıtýtsııaǵa sáıkes Moldova beıtarap memleket bolǵanymen, 1994 jyldan bastap NATO blogymen jeke jospar boıynsha yntymaqtasady.
Eske sala keteıik, Aýstralııa tarıhyndaǵy eń iri áskerı oqý-jattyǵý jıyndary ótip jatqany jaıly jazǵan edik.