Móldir Áýelbekova KeshYOU tobynan ekinshi ret ketip qaldy
ASTANA. QazAqparat - KeshYOU toby jańa quramyn tanystyrdy, dep jazady massaget.kz.
Qazaqstannyń eń ataqty gerlz bendine jaqynda ǵana qaıtyp kelgen Móldir Áýelbekovanyń ornyna Juldyz esimdi qyz kelgen. Al toptyń jelidegi resmı paraqshasynda toptyń prodıýseri Baıan Esentaeva toptyń jańa solısimen birge túsken sýretin shyǵarǵan.
Óz kezegimizde Móldir Áýelbekovanyń jarnama boıynsha menedjeri Perızat Myrzahmetke habarlasqanymyzda, ol ánshiniń shyn máninde toptan ketkenin rastady. «Iá, Móldirdiń toptan ketkeni ras. Endi Móldir jeke shyǵarmashylyǵymen aınalysatyn boldy. Negizinde Móldir bul topqa ýaqytsha kelgen bolatyn»,-dedi menedjer.
Topqa kelgen jańa ánshini prodıýseri Baıan Esentaeva taıaý arada tolyǵyraq tanystyratyn bolady.
Al Baıan Esentaeva buǵan deıin jelige Aıdana Medenovamen birge ázirge bizge beımálim Juldyz esimdi boıjetkenniń sýretin salyp, kóp núkte qoıǵan edi. Bul sýrettiń astyna tanymal prodıýserdiń instagram-daǵy oqyrmandary bul beıtanys arýdyń Móldir Áýelbekovanyń ornyn basatynyn aıtyp, boljam da jasaǵan bolatyn. Baıan Esentaeva osydan eki aı buryn Móldir Áýelbekovany «KeshYOU» tobyna qaıtyp qabyldaǵanyn málimdedi.
