Móldir Áýelbekova qazir nemen aınalysyp júrgenin aıtyp berdi
ASTANA. QazAqparat - Móldir Áýelbekova jas talanttarǵa qolǵabys etýde.
Ánshi bul ispen óziniń keńpeıildiliginen tegin aınalysyp jatqan kórinedi.
«Jýyrda jańa ánimiz shyǵady. Ol bir er azamatpen dýet bolmaq. Esimi belgili bolmasa da, óte talantty. Menińshe, jas talanttar qolǵabysqa zárý. Sondyqtan bul onyń debıýti bolady. Aıtqandaı, onyń esimi Ersultan», - dedi ánshi Gakku.kz-ke bergen suhbatynda.
Ersultan esimdi jigitti estip qana qoımaı, kórýge de múmkindik týmaq. Sebebi Áýelbekova ánderine klıp te túsirý josparlanyp jatqanyn aıtty.
«Kelesi aıda kirisýimiz múmkin. Men qazir Astanada turatyndyqtan, túsirilimdi sonda jasaıtyn shyǵarmyz. Án dıalog túrinde bolady. Sondyqtan, onyń ataýyn áli oılastyrǵanymyz joq», - dep túıdi ol.
