Moldavııada saılaý kezinde eldi arandatpaq boldy degen kúdikpen 5 adam qamaldy
ASTANA. QazAqparat - Moldavııada eldegi parlament saılaýy qarsańynda daý shyqty. Kıshınev qalasynda saılaý kezinde jaǵdaıdy ýshyqtyryp, qoǵamdy arandatpaq boldy, degen kúdikpen 5 adam qamaýǵa alyndy, dep habarlady dw.de
«Polıtsııa 30 qarashada bolatyn parlament saılaýy kezinde qoǵamdaǵy turaqtylyqty buzbaq boldy degen kúdikpen 5 adamdy ustady. Osyǵan baılanysty 15 páterdi tintý kezinde Moldava, Reseı, taǵy basqa da elderdiń valıýtasyndaǵy iri somada qarajat tárkilendi», - dedi Kıshınev qalasynyń prokýrory Vıorel Morar. Mundaı qaýip týraly Moldavııa polıtsııasynyń Bas ınspektoraty bastyǵynyń orynbasary Georgıı Kvakalıýk ta málimdeme jasap, saılaýda arandatýshylyq jasaýǵa daıyndyq júrgenin jetkizdi.
