Moldavııada 2012 jylǵy 1 qańtardan bastap sharapqa aktsızdi alyp tastaıdy
ASTANA. 24 jeltoqsan. QazAqparat - Moldavııada 2012 jyldyń 1 qańtarynan bastap sharapqa jáne júzim tunbasyna aktsızderdi alyp tastaıdy, dep habarlady RBK agenttigi.
Moldova úkimetinen habarlaǵandaı, bul shara respýblıka parlamenti qabyldaǵan 2012 jylǵa arnalǵan eldiń salyqtyq-bıýdjettik saıasatynda kózdelgen.
Moldavııa qarjy mınıstri Vıacheslav Negrýtsanyń atap ótkenindeı, sharapqa aktsızderdi alyp tastaý sharap óndirýshiler úshin salyq aýyrtpashylyǵyn jeńildetip, tutastaı alǵanda el ekonomıkasynyń ózegi bolyp tabylatyn júzim sharýashylyǵyn damytýǵa yqpal etedi.
Júzim sharýashylyǵy men sharap óndirisi Moldavııanyń ishki jalpy óniminiń 20-25 paıyzyn quraıdy. Moldavııanyń sharap óndirisiniń eksporttyń jalpy kólemindegi úlesi shamamen 30 paıyz bolyp otyr.
