Moldavııa «semiz» postkeńestik elder tiziminiń kóshin bastady
ASTANA. QazAqparat - Moldavııa semirýden zardap shekken turǵyndar boıynsha postkeńestik elder arasynda kósh bastady. Semizdik aýrýy eldegi ár bir úshinshi adamda kezdesedi, dep habarlaıdy TASS.
Bul derek Amerıkalyq New England Journal of Medicine basylymy jarııalaǵan «Artyq salmaqtyń densaýlyqqa tıgizer zııany men 25 jyl ishindegi 195 eldegi adamdardyń semirýi» atty maqalada aıtylǵan.
Basylym zertteýine sáıkes, Moldavııada áıelderdiń 31,1%-y jáne erlerdiń 19,7%-y artyq salmaqtan zardap shegýde. Tolyq áıelder Reseıde kóp bolsa, al artyq salmaqty erler tizimin Estonııa bastaıdy. Jalpy álem boıynsha «semiz» elder tiziminiń basynda AQSh tur.
Óz kezeginde, moldavııalyq dárigerler bul problemany eldiń 60 paıyzyn qamtıtyn adamdardyń únemi otyryp, qozǵalyssyz jumys isteýinen jáne durys tamaqtanbaý saldary dep atap otyr.
«Adamdar tamaq ishý mádenıetin bilmegendikten semiredi. Olar kúnine eki-úsh ret tamaqtanady, al durys tamaqtanýda kúnine úsh saǵat saıyn bes ret as ishý usynylady. Maıly, tuzdy taǵamdardy kóp jeıdi. Uıqyǵa keter aldynda tamaq ishpeý kerektigin esten shyǵarady», - dedi medıtsına ǵylymdarynyń doktory Georgıı Karadja.
