Mol ónim alǵan qostanaılyq dıqandar marapattaldy
QOSTANAI. QazAqparat - Qostanaı oblysynyń ákimi Arhımed Muhambetov aýyl sharýashylyǵy salasynda ozyq jetistikke jetken sharýalardy marapattady, dep habarlaıdy QazAqparat tilshisi.
Egin jınaý jumystary aıaqtalǵannan keıin aýylsharýashylyq jáne qaıta óńdeý ónerkásibi qyzmetkerleriniń merekesi atap ótiledi. Bul shara bıyl da jalǵasyn tapty. Jyl qorytyndysynda Qostanaı oblysy ákiminiń birinshi orynbasary Ǵaýez Nurmuhambetov baıandama jasady.
«Qostanaı oblysy bıyl 342 mlrd teńgeniń aýylsharýashylyq ónimderin óndirgen. Bul 2016 jylmen salystyrǵanda 7%-ǵa artyq. Osy jyly qostanaılyq dıqandar mol ónim aldy. Elimiz boıynsha barlyǵy 21 mln tonna astyq jınalsa, sonyń 5,2 mln tonnasy Tobyl óńiri sharýalarynyń úlesine tıdi. Astyq shyǵymy jóninen Fedorov, Qostanaı, Meńdiqara, Uzynkól aýdandary kósh bastady. Jekelegen sharýashylyqtar arasynda «Zapasnoe» jeke sharýashylyǵy ár gektardan 28 tsentnerden, «Ótemisov.K», «Sataev.B» sharýa qojalyqtary 27 tsentnerden astyq jınap aldy», - dedi Ǵaýez Nurmuhambetov.
Óńirge belgili sharýa Qarataı Ótemisovtiń aıtýynsha, bıyl sapaly astyq alý úshin aýa raıy da qolaıly boldy. Kásipker shynaıy eńbekti baǵalaǵan basshylarǵa alǵysyn bildirdi.
Jalpy Qostanaı oblysynda 52 myń tonna kartop jáne 25 myń tonna kókónis jınalǵan. Maıly daqyl ónimderi - 270 myń tonna. Osy maıly daqyl ónimderine sheteldik ınvestorlar da qyzyǵýshylyq bildirýde. Sonyń biri - «Evrazııa FÝD» aktsıonerlik qoǵamy. Olar osy maqsatta aldaǵy jyly 39 mlrd teńge qarajat quımaqshy.
«2009 jyldan beri oblysta qaıta óńdeý salasy boıynsha aýqymdy 44 ınvestjoba qolǵa alynǵan. Oǵan 21 mlrd teńgeden astam qarjy jumsaldy. Barlyǵy 1035 jumys orny ashyldy», - dedi oblys ákiminiń orynbasary.
2017 jyldyń qańtar aıynan bastap 125 egin oratyn tehnıka satyp alynǵan. Jalpy, sońǵy bes jyl ishinde barlyǵy 65 mlrd teńgege 5 myńnan astam tehnıka ákelingen.
Saltanatty jıyn barysynda oblys ákimi Arhımed Muhambetov bir top aýylsharýashylyq mamandaryna «Eńbek ardageri» medalin tapsyrdy. Olardyń arasynda Valentın Sıvırıdov, Qonysbaı Júndibaev, Vıktor Sımonenko bar. Al uzaq jyl aýy lsharýashylyǵy salasyna súbeli úles qosqan Qalybek Nazarbekov, Toqtarbaı Qadambaev, Nıkolaı Pospelov, Ivan Kýlık, Jomart Júrgimbaev tárizdi azamattar «Qurmetti ardager» tósbelgisimen marapattaldy. Al tájirıbeli sharýalar Sembaı Saǵyndyqov, ıÝrıı Chehovskıı, Baqytjan Tileýbaev, Sergeı Blok «QR aýyl sharýashylyǵy salasynyń úzdigi» tósbelgisin taǵyndy.
Merekelik jıyn sońy oblys óner sheberleriniń kontsertimen jalǵasty.
