Mol qazyna tapqan Kalıfornııalyq otbasy onyń qunynyń 47 paıyzy kóleminde salyq tóleýi kerek
ASTANA. QazAqparat - Ózderiniń baqshasynan ejelgi zamanǵy altyn monetalar tapqan Kalıfornııalyq otbasy tabylǵan qazyna qunynyń 47 paıyzy kóleminde salyq tóleýleri kerek, dep habarlady ITAR-TASS.
Belgili bolǵandaı, qundy olja 2013 jyldyń aqpanynda tabylǵan, al bul atalǵan soma aǵymdaǵy jyldyń 15 sáýirine deıin keshikpeı tólenýi kerek. Áıtpese aýqymdy aıyppul kútip tur.
Kalıfornııa ýnıversıtetiniń professory Leo Martınestiń sózine qaraǵanda, federaldy tólem esebimen jalpy salyq, qala men shtatty qosqanda 47 paıyzǵa jýyq.
25 aqpan kúni BAQ-ta Kalıfornııa shtatynda turatyn amerıkandyq otbasy óz úıleriniń mańyndaǵy baq ishinde ıtterin serýendetip júrip, bir aǵashtyń túbinen kómilgen qańyltyr bankalardy tapqan. Al olardyń ishinen 1847-1894 jyldardaǵy altyn monetalar shyqqan. Monetalardyń keıbireýiniń quny 27 myń dollar bolsa, tipti keıbiri 1 mln. dollardan asady.
