Mol qar jaýyp, kóktaıǵaq bolady: Juma kúngi aýa raıy boljamy

ASTANA. QazAqparat – 25 qarashada Atlantıka tsıklonynyń ótýine baılanysty Qazaqstan aýmaǵynyń basym bóliginde qar túrinde jaýyn-shashyn saqtalady. Eldiń batysynda jaýyn-shashynsyz kún raıy kútiledi. Respýblıka boıynsha tuman, kóktaıǵaq, jeldiń kúsheıýi, soltústikte, soltústik-batysta jáne shyǵysta burqasyn boljanady, dep habarlaıdy QazAqparat.

Qazgıdromet málimetinshe, Aqmola oblysynyń ońtústik-shyǵysynda qatty jaýyn-shashyn (jańbyr, qar), Qaraǵandy oblysynyń soltústiginde, túnde Soltústik Qazaqstan oblysynyń ońtústiginde, Qostanaı oblysynyń shyǵysynda, kúndiz Shyǵys Qazaqstan oblysynyń soltústik-shyǵysynda, Pavlodar oblysynyń ońtústiginde mol qar jaýady.