Mohamed Salah álemdegi eń kóp jalaqy alatyn oıynshy bolýy múmkin

ASTANA. KAZINFORM – Aǵylshyndyq «Lıverpýl» fýtbol komandasynyń shabýylshysy Mohamed Salah «Parı Sen-Jermenge» aýyssa álemdegi eń joǵary jalaqy alatyn fýtbolshy atanýy múmkin. Bul týraly Azerbaycan 24  habarlady. 

El Nacional basylymynyń habarlaýynsha, Naser Ál-Helaıfı mysyrlyqty Lıga 1-diń jańa juldyzyna aınaldyrǵysy keledi. 

PSJ prezıdenti Salahqa kelisimshartynyń bir bóligi retinde maýsymyna 40 mıllıon eýro usyna alady, bul ony álemdegi eń joǵary jalaqy alatyn fýtbolshylardyń qataryna qosady.

«Salahqa Saýd Arabııasy chempıonatynan da birneshe usynys tústi. Ondaǵy birneshe klýb oǵan qomaqty soma usynýǵa daıyn. Alaıda mysyrlyq shabýylshy Eýropada oınaǵysy keledi», - dep habarlady basylym. 

Aıta keteıik, 32 jastaǵy shabýylshy osy maýsymda Aǵylshyn Premer-lıgasynda 12 oıynǵa qatysyp, 10 gol soǵyp, 6 nátıjeli pas bergen. Salahtyń mersısaıdtyq klýbpen kelisimsharty 2025 jyldyń jazynda aıaqtalady. 

Buǵan deıin 2034 jylǵy álem chempıonatynyń fınaly Er-Rııadta ótetinin habarlaǵan edik.