Modjtaba Hameneı Irannyń Joǵarǵy Kóshbasshysy bolyp saılandy – Sarapshylar keńesi
ASTANA. KAZINFORM — Iranda eldiń jańa Joǵarǵy Kóshbasshysy belgili boldy. Ol – Irannyń qaza tapqan burynǵy rýhanı kóshbasshysy Álı Hameneıdiń uly Modjtaba Hameneı. Bul týraly ırandyq Fars agenttigi habarlady.
Modjtaba Hameneıdiń saılanǵany týraly 9 naýryz kúni belgili boldy. Bul týraly Sarapshylar keńesi málimdeme jasady.
56 jastaǵy Seıed Modjtaba Hameneı — buǵan deıin Izraıl men AQSh soqqylarynan qaza tapqan Irannyń burynǵy joǵarǵy jetekshisi Alı Hameneıdiń ekinshi uly. Ol Irannyń saıası-dinı elıtasy ishindegi yqpaldy tulǵalardyń biri sanalady. Uzaq ýaqyt boıy Joǵarǵy Kóshbasshynyń apparatynda jumys istep, Islam revolıýtsııasy saqshylary korpýsynyń ókilderimen tyǵyz baılanys ornatqan.
Buǵan deıin Irannyń Sarapshylar keńesi jańa rýhanı kósemdi saılaǵany habarlandy.
Jańa basshyny tańdaý Iran tóńiregindegi jalǵasyp jatqan áskerı qarsylastyq jaǵdaıynda ótti.
26 aqpan kúni AQSh Taıaý Shyǵysqa 300-den astam áskerı ushaǵyn ornalastyrdy.
Qaqtyǵys 28 aqpanda AQSh pen Izraıldiń Iran Islam respýblıkasynyń aýmaǵyna soqqy jasaýymen bastaldy.
Alı Hameneı qaza tapqannan keıin Iranda bılikti tapsyrý rásimi iske qosyldy.
Buǵan deıin Iran Hameneıdiń qaza tapqanyn resmı túrde rastaǵany jáne elde 40 kúndik aza tutý jarııalanǵany habarlandy.
