Modrıch FIFA tujyrymy boıynsha 2018 jylǵy úzdik fýtbolshy atandy
ASTANA. QazAqparat - Sanaýly sátter buryn Anglııa astanasy London qalasynda FIFA tujyrymy boıynsha 2018 jylǵy úzdik bapkerler men fýtbolshylardy marapattaý rásimi máresine jetti, dep habarlaıdy QazAqparat tilshisi.
FIFA tujyrymy boıynsha «Jyldyń úzdik fýtbolshysy» ataǵyna Horvatııa quramasy men Ispanııanyń «Real Madrıd» komandasynyń jartylaı qorǵaýshysy Lýka Modrıch qol jetkizdi. Horvat fýtbolshysy Mysyr quramasy men Anglııanyń «Lıverpýl» komandasynyń shabýylshysy Mohamed Salah pen Portýgalııa quramasy men Italııanyń «ıÝventýs» klýbynyń jartylaı qorǵaýshysy Krıshtıaný Ronaldýmen básekege túsken edi.
Atalmysh marapattaý rásiminde Frantsııa quramasynyń bas bapkeri Dıde Desham «Eń úzdik bas bapker» nomınatsııasynda top jardy. Frantsııa quramasy bıyl Reseıde ótken álem birinshiliginde chempıondyq ataqqa qol jetkizgen edi. Dıde Deshammen birge bul ataqqa Horvatııa quramasynyń bas bapkeri Zlatko Dalıch pen Ispanııanyń «Real» (Madrıd) komandasynyń bas bapkeri Zınedın Zıdan usynylǵan edi.
Al frantsýz Reınald Pedros áıelder fýtbolynda úzdik bas bapker atandy. Jyldyń úzdik áıel fýtbolshysy ataǵyn brazılııalyq Marta aldy.
Belgııa quramasynyń qaqpashysy Tıbo Kýrtýa «Eń úzdik qaqpashy» atandy. Ol frantsýz Ýgo Lorıs jáne danııalyq Kasper Shmeıhel sekildi áriptesterin artqa tastap ketti.
Anglııanyń «Lıverpýl» jáne Mysyr quramasynyń shabýylshysy Mohamed Salah FIFA tujyrymy boıynsha eń úzdik goldyń avtory atandy. Ol ataqty shabýylshy Ferents Pýshkash atyndaǵy premııaǵa ıe boldy.
Al Perý fanattary úzdik jankúıer retinde jeńimpaz boldy. Olar Japonııa men Senegal jankúıerlerinen basym tústi.
Al FIFA tujyrymy boıynsha sımvolıkalyq komanda anyqtaldy. Oǵan Davıd de Hea («MıÝ» / Ispanııa) - Danı Alves («ıÝventýs» / Brazılııa), Serhıo Ramos («Real Madrıd» / Ispanııa), Rafael Varan («Real Madrıd» / Ispanııa), Marselo («Real Madrıd» / Brazılııa) -Lýka Modrıch («Real Madrıd» / Horvatııa), Ngolo Kante («Chelsı» / Frantsııa) - Leo Messı («Barselona» / Argentına), Kılıan Mbappe («PSJ» / Frantsııa), Eden Azar («Chelsı» / Belgııa), Krıshtıaný Ronaldý («Real Madrıd», «ıÝventýs» / Portýgalııa) sekildi sańlaqtar laıyqty boldy.
