Modı: Qazaqstan men Úndistan negizgi salalarda tyǵyz yntymaqtastyq ornatqan

ASTANA. KAZINFORM — Úndistan Premer-mınıstri óziniń X paraqshasynda Qasym-Jomart Toqaevpen nátıjeli pikir almasqany týraly jazdy.

— Bizdiń elder energetıka, qaýipsizdik, densaýlyq saqtaý jáne farmatsevtıka sııaqty kóptegen negizgi sektorlarda tyǵyz jumys isteıdi, — dedi Narendra Modı.

Foto: Memleket basshysy Qasym-Jomart Toqaevtyń qyzmeti týraly resmı medıa resýrs

Aıta keteıik, búgin Tıantszındegi «Meıtszıan» konferents-ortalyǵynda ShYU sammıti ótti.

Prezıdent Qasym-Jomart Toqaev ShYU-ǵa múshe memleketter basshylary keńesiniń otyrysynda sóz sóıledi.

Toqaev Qazaqstanda Shanhaı yntymaqtastyq uıymynyń Sý máselelerin zertteý ortalyǵyn ashýdy usyndy.

Óz kezeginde ShYU sammıtinde sóz sóılegen Qytaı tóraǵasy Sı Tszınpın Qytaı ShYU bankaralyq birlestik múshelerine 1,4 mlrd dollar nesıe beretinin aıtty.