Motsart pen Salerı birlese jazǵan týyndy tabyldy
ASTANA. QazAqparat - Praga qalasynda belgili kompozıtorlar Volfgang Amadeı Motsart pen Antonıo Salerıdiń birigip jazǵan týyndysy tabyldy, dep jazady «Egemen Qazaqstan» gazeti búgingi sanynda.
Qundy dúnıe Chehııanyń Sharka Dochkalova atyndaǵy mýzykalyq murajaıynan shyqty. Ǵalymdardyń aıtýynsha, bul shyǵarma osydan 200 jyl buryn ushty-kúıli joǵalyp ketken eken. Əıgili kompozıtor Motsarttyń dúnıege kelgenine bıyl 260 jyl tolady. Ol - Vena klassıkalyq mektebiniń eleýli ókili. Ómiriniń sońyna deıin 600-den astam eńbek jazyp qaldyrǵan.
Salerı de XVIIІ ǵasyrdyń sońyndaǵy mýzyka əleminde tanymal bolǵan tulǵa. Eýropa mýzykasyna qatysty mərtebeli oryndardyń biri - saraı mańyndaǵy kapelmeıster laýazymyna deıin kóterilgen. Lıýdvıng van Bethoven, Frans Shýbert, Ferents Lıst syndy belgili kompozıtorlarǵa ustazdyq etken. Alaıda, onyń artynda Motsarttyń jetistigin qyzǵanyp, ólimine tikeleı sebepshi boldy degen daqpyrt qalǵan. Biraq 1997 jyly sot ony tolyq aqtap, kinəsizdigin moıyndady.
«Motsart pen Salerıdiń birigip jazǵan bul eńbegi jurt arasyna keńinen tarap ketken avstrııalyq uly kompozıtordy ıtalııalyq əriptesi óltirgen deıtin boljamdy joqqa shyǵarady. Olar bir-birine joǵary qurmet kórsetken jəne naǵyz adal dostar bolǵan», - dep esepteıdi mýzyka murajaıynyń qyzmetkerleri.
