Mobıldi aýdarymdary salyq organynyń nazaryna ilingenderge 30 kún berildi
ASTANA. KAZINFORM — Qarjy mınıstriniń orynbasary Erjan Birjanov Senat otyrysynyń aldynda mobıldi aýdarymdardy tekserý jumystary qaı satyǵa jetkenin aıtty.
— Jumys júrip jatyr. Búkil sanattar boıynsha habarlama jiberip jatyrmyz. Ol jerde 30 kún merzim bar. Salyq tóleýshilerdiń reaktsııasyn sol 30 kúnnen keıin kóremiz. Habarlamada kórsetilgen eskertpelerdi oryndaýǵa 30 kún ýaqyt beremiz. Sol 30 kúnniń ishinde ne deklaratsııa tapsyrady, ne jazbasha túsindirme beredi. Aıyppul nemese bank shottaryn jabý sııaqty sharalar qabyldaǵaly otyrǵan joqpyz, — dedi Erjan Birjanov.
Buǵan deıin salyq organdarynan mobıldi aýdarymǵa baılanysty habarlama kimderge kelýi múmkin ekenin jazǵanbyz.
