Mobıldi aýdarymdardyń qandaı artyqshylyǵy bar
ASTANA. KAZINFORM – Qarjy vıtse-mınıstri Erjan Birjanov mobıldi aýdarymdardyń artyq tustaryn túsindirdi. Sonymen qatar aýdarym jasaýdyń zańdy tásili týraly aıtyp berdi.
«Mobıldi aýdarymdy uıaly telefonǵa balans arqyly qabyldaý keıbir jeke kásipkerlerdiń oılap tapqany bolýy kerek. Ár klıent onyń uıaly telefon nómirin terýi kerek, bul yńǵaısyz. Klıent ózine yńǵaıly tólem túrin tańdaı alady. Ózim klıent retinde balans túrinde aýdarym jasamaımyn, bank kartasy nemese QR arqyly tóleımin. Onyń ústine bank kartasy nemese QR arqyly jasalǵan tólemge keshbek beriledi» - dedi Erjan Birjanov Ortalyq kommýnıkatsııalar qyzmeti alańynda ótken baspasóz máslıhatynda.
Qarjy mınıstri orynbasarynyń aıtýynsha, keıbir kásipkerlerdiń mundaı ádiske barýy ýaqytsha qubylys.
«Jeke kásipkerlerge qoıylatyn qazirgi talap – mobıldi aýdarymdardy úsh aı ishinde 100 adamǵa jáne 100 tólem jasaýǵa ruqsat, odan aspaýy tıis. Mobıldi operatorlar arqyly tólem qabyldaý jappaı taraǵan jaǵdaıda biz ol ádisti baqylaýǵa alamyz», - deıdi vıtse-mınıstr.
