Mobıldi aýdarymdar boıynsha kásipkerlerge tekserý júrgizilmeıdi - Qarjy vıtse-mınıstri

Elimizde mobıldi aýdarymdar boıynsha kásipkerlerge qatysty tekserý jumystary júrgizilmeıdi. Bul týraly QR Qarjy vıtse-mınıstri Erjan Birjanov málim etti, dep habarlaıdy Kazinform.

«Kásipker nemese qyzmet kórsetýshi saýda aınalymyn kórsetse, tutynýshyǵa chek berilse, ol POS termınal arqyly ótse, onda eshqandaı suraqtar týyndamaıdy. Aıta keteıin, mobıldi aýdarymdar boıynsha kásipkerlerge qatysty tekserý jumystary júrgizilmeıdi. Eske salsaq, qazirgi ýaqytta jeke kásipker retinde tirkelgen shaǵyn bıznes ókilderine arnalǵan salyq mólsheri 1-den 4% aralyǵynda tómendedi. Bul shara ótken jyly 29 jeltoqsanda Úkimet qaýlysymen qabyldandy», - dedi Erjan Birjanov Úkimet úıinde ótken baspasóz máslıhatynda.

Buǵan deıin mobıldi aýdarymdar qandaı jaǵdaıda tekseriletini týraly habarlaǵan edik.

Elordalyq memlekettik kirister departamenti ókiliniń málimdeýinshe, jeke tulǵalar ózderiniń týystaryna, dostaryna aýdarymdar, ata-analar men balalarǵa kómek jáne basqa da ómirlik jaǵdaılar úshin mobıldi aýdarymdardy jasap, qabyldaı alady.