Mobıldi aýdarym: Qarjy mınıstri habarlama alǵan adamdar sanyn sanyn atady
ASTANA. KAZINFORM — 2026 jyldyń birinshi toqsanynda mobıldi aýdarymdarǵa túsinikteme berý qajettigi týraly habarlamalardy shamamen 115 myń salyq tóleýshi aldy. Bul týraly Qarjy mınıstri Mádı Tákıev málim etti.
Onyń málimetinshe, Memlekettik kirister komıtetine tranzaktsııa derekterin 10 bank usyndy.
— Nátıjesinde 114-115 myń adam úsh aı ishinde jalpy somasy 1 mln teńgeden asatyn 100-den astam aýdarym jasaǵan. Bul 115 myń adamǵa qatysty jalpy soma 1 trln teńgeden sál asady, — dedi mınıstr Májilistiń jalpy otyrysynan keıin.
Eń kóp kúdik týǵyzǵan aýdarymdar jeke tulǵalarǵa qatysty. Naqty aıtqanda, shamamen 67 myń adam 670 mlrd teńge kóleminde operatsııalardy júzege asyrǵan.
Sonymen qatar habarlamalar shamamen 7800 rezıdent emes tulǵalarǵa da jiberildi. Osyǵan baılanysty Qarjy mınıstrligi shekarada baqylaýdy kúsheıpek. Mádı Tákıevtiń aıtýynsha, shekara qyzmetkerleri sheteldikterdi elden shyǵý kezinde Qazaqstandaǵy qarajattyń shyǵý kózderi men aýdarymdary týraly qosymsha suraıtyn bolady.
Eń az habarlama jeke kásipkerlerge, 200 mlrd teńge somasyna berilgen.
— Barlyq salyq tóleýshilerge habarlamalar jiberildi. Maqsat jazalaý emes, tek olardan munyń qalaı bolǵanyn túsindirýleri. Kóp jaǵdaıda habarlamalar taksı qyzmetin kórsetetin jeke tulǵalarǵa jáne kýrerlerge qatysty boldy. Olar kelip, rasynda taksıde jumys istegenderin, bilmegenderin aıtyp jatyr, — dep túsindirdi mınıstr.
Buǵan deıin Qarjy mınıstriniń orynbasary Erjan Birjanov mobıldi aýdarymdardy tekserý jumystary qaı satyǵa jetkenin aıtqan edi.
