Mobıldik qosymsha arqyly tegin keńes alýǵa bolady
ASTANA. QazAqparat - Otandyq mamandar qurastyrǵan «Phonebooth 2.0» arnaıy mobıldik qosymshasy arqyly endi qazaqstandyqtar «1414» Biryńǵaı baılanys ortalyǵynan memlekettik qyzmetter boıynsha tegin keńes ala alady, dep habarlady «Ulttyq aqparattyq tehnologııalar» AQ baspasóz qyzmeti.
«Phonebooth 2.0» jobasynyń jetekshisi Qaırat Ahmetovtiń aıtýynsha, qosymsha baǵdarlama ártúrli call-ortalyqtarynyń katalogyn qamtıdy. Baǵdarlamany iOS, Android platformalaryndaǵy qurylǵylardy paıdalanýshylar qoldana alady. Qosymshany phonebooth2.com saıtynan tabýǵa bolady.
«Habarlasýshy úshin dybys sapasy telefondaǵy ınternet sapasyna baılanysty. Mysaly Viber-di paıdalanýshynyń ekeýinde de ınternet jelisinde sapaly sıgnaldyń bolýy talap etilse, al biz usynyp otyrǵan mobıldik qosymsha úshin taraptardyń bireýinde ǵana sapaly jeli bolsa jetkilikti» - dedi Q.Ahmetov.
«Ulttyq aqparattyq tehnologııalar» AQ Basqarýshy dırektory Ásel Moldabekovanyń aıtýynsha, usynylyp otyrǵan mobıldik qosymsha arqyly Biryńǵaı baılanys ortalyǵyna memlekettik qyzmetter boıynsha kez kelgen ýaqytta, qaı elden bolmasyn tegin habarlasyp, suraq qoıýǵa bolady.
Esterińizge sala keteıik, HQO-na berilgen ótinishterdi anyqtap, bilý úshin Biryńǵaı baılanys ortalyǵy qyzmet kórsetedi. Jyl basynan beri «1414» baılanys operatorlary arqyly 1,5 mln. konsýltatsııa berilgen.
