Mobıldi telefondar densaýlyq úshin zııan emes
ASTANA. QazAqparat - Manchester ýnıversıteti ǵalymdarynyń aıtýynsha, mobıldi telefondar men elektr tasymaldaý jelilerinen bolatyn elektromagnıttik sáýlelený adam densaýlyǵyna zııan keltirmeıdi.
Ǵalymdar mobıldi quraldardyń elektromagnıttik órisiniń bedeýlik jáne obyr aýrýlaryn týdyratyny, sondaı-aq balalar leıkemııasyna soqtyratyny týraly gıpotezany tekserýge tyrysty. Bul órister adam aǵzasyndaǵy ómirlik mańyzdy aqýyzdardy zaqymdaıdy dep esepteledi.
Manchesterlik hımıkter álsiz magnıtti óristiń (ÁMÓ) flavoproteınder - júıke júıesin basqarýda jáne DNQ-ny qalpyna keltirýde mańyzdy oryn alatyn aqýyzǵa tıgizetin áserin zerttedi. Sáýlelený olardyń qyzmetine esh áser etpeıtini anyqtaldy, dep habarlaıdy Lenta.ru.
Árıne, qosymsha zertteýler jasaý qajet, alaıda atalǵan jumys nátıjesinde elektr tasymaldaý jelileri, mobıldi telefondar jáne olarǵa uqsas quraldardyń adam úshin qaýipsiz ekenin jetkilikti ashyqtyqpen aıtýǵa bolady, dep málimdedi maqalanyń taǵy bir avtory Naıdjel Skratton.
Dárigerler, sonda da, mobıldi telefonmen kóp sóılesýden aýlaq bolýǵa keńes beredi.
