Mobıldi telefon nesıe kartasynyń, esik kiltiniń, turmystyq aspaptardy basqarý tetiginiń jáne dabylnamanyń qyzmetterin atqaratyn bolady - zertteý qorytyndysy
ALMATY. Aqpannyń 25-i. QazAqparat /Ádilet Musahaev/ - Bolashaqta mobıldi telefon nesıe kartasynyń, esik kiltiniń, turmystyq aspaptardy basqarý tetiginiń jáne dabylnamanyń qyzmetterin atqarady. TeliaSonera kompanııasy júrgizgen zertteýge qatysqan respondentter osyndaı kózqaras bildirgen,
dep habarlaıdy QazAqparat.
Zertteý «United Minds» uıymymen 2009 jyldyń qyrkúıek-jeltoqsan aılarynda jeke zańdy tulǵalar arasynda Qazaqstan, Shvetsııa, Fınlıandııa, Norvegııa, Danııa jáne Lıtvada júrgizilgen. Qazaqstandaǵy ınternet-saýalnamaǵa 1050 jeke tulǵa men 502 uıymnyń qyzmetkerleri qatysqan. Zamanaýı baılanys tásilderi qazaqstandyqtardyń ómirin jeńildetedi sonymen qatar joǵarydaǵy kózqarasty respondentterdiń 98 paıyzy bildirgen. Zertteý boıynsha respondentterdiń 91,2 paıyzy telekommýnıkatsııa quraldary jalǵyzdyq seziminen arylýǵa múmkindik beredi dep kýálandyrǵan. Budan bólek, saýalnama Qazaqstandaǵy ınternet tutynýshylarynyń 64,3 paıyzy ǵalamdyq jelige mobıldiń kómegimen shyǵatynyn kórsetken, onyń ishinde 31,3 paıyzy muny aptasyna birneshe ret, al 11 paıyzy kúnde kiretindigin aıtqan.
«Tehnologııalardyń damýy - sheksiz úderis jáne bolashaqta telekommýnıkatsııalar qyzmetteri kúmánsiz keńeıe bermek. Buǵan edáýir deńgeıde Qazaqstan 3G, al keıinnen LTE tehnologııalaryn endirý sebep bolmaq», deıdiKcell kompanııasynyń ókili A.Dosaeva.
