«Mobıldi akademııa» pılottyq jobasy elimizdiń óńirlerinde sátti iske asyp keledi
ІІM Maqan Esbolatov atyndaǵy Almaty akademııasynyń baspasóz qyzmetiniń málimetinshe, «Mobıldi akademııa» jobasy aıasynda alǵashqy oqytý kýrsy bıyl Mańǵystaý oblysynyń polıtsııa departamentinen bastaldy.
«Kýrs «ІІO qyzmetindegi jobalyq basqarmalar» taqyrybynda ótkizildi. Oqytýdyń maqsaty - eldiń áleýmettik, ekonomıkalyq jáne saıası ómirindegi ózgeristerdiń joǵary deńgeıi jaǵdaıynda uıymdy basqarýdyń zamanaýı tujyrymdamasy retinde memlekettik organdarda jobalyq basqarý salasyndaǵy bilimdi qalyptastyrý. Bul rette Almaty akademııasy bastyǵynyń orynbasary polıtsııa polkovnıgi K.J. Koblandın qazirgi ýaqytta eldiń áleýmettik, ekonomıkalyq jáne saıası ómiriniń joǵary ózgergishtigi jaǵdaıynda strategııalyq menedjment teorııasy men praktıkasy salasynda bilimdi qalyptastyrý uıymdy basqarýdyń zamanaýı tujyrymdamasy retinde qajet ekenin aıty. Oqytý barysynda professor-oqytýshylar quramy – polıtsııa polkovnıkteri M.B. Toksanova jáne N. I. Ibraımova, polıtsııa maıory A. K. Bekıshev ІІO júıesinde ishki ister organdary basshylyǵynyń praktıkalyq qyzmetinde strategııalyq taldaý jáne josparlaý ádisterin qoldanýdy damytý, memlekettik organdarda jobalyq basqarý salasynda bilimdi qalyptastyrý, polıtsııanyń problemalyq-baǵdarlanǵan qyzmetin engizý úshin qoldanylatyn ádistermen jáne servıstik model jobasyn iske asyrý sheńberinde polıtsııa qoǵammen áriptestik nysandarymen tanysý maqsatynda berilgen taqyryp boıynsha barynsha aqparat berildi», - delinedi ІІM akademııasynyń habarlamasynda.
Sonymen qatar, oqytý kýrsyn ІІO kásibı-psıhologııalyq daıarlyq jáne basqarý kafedrasynyń dotsenti polıtsııa polkovnıgi M.B. Toksanovanyń ІІO júıesinde jobalyq basqarýdy engizý zańdylyqtary men joldaryn zertteýge baǵyttalǵan keısimen bastaldy.
«Tyńdaýshylar kýrs taqyrybyna alǵashqy kúnnen bastap qyzyǵýshylyq tanytty. Máselen, sabaqtyń praktıkalyq bóliginde ІІO qyzmetin uıymdastyrýdyń problemalyq máseleleri belsendi talqylanyp, olardy sheshý joldary belgilendi. Topta jumys isteı jáne joba jarǵysyn jasaý daǵdylaryn úırene otyryp, tyńdaýshylar óz ıdeıalaryn tanystyryp, olardy joba sheńberinde iske asyrý múmkindigin negizdedi. «Mobıldi akademııa» jobasy boıynsha daıyndyq kýrsynyń baǵdarlamasyna «Polıtsııanyń servıstik modeliniń strategııalyq mindetteri» taqyryby engizildi. «Osy taqyrypty asha otyryp, qazaqstandyq polıtsııanyń qazirgi kezeńdegi mıssııasyna basa nazar aýdaryldy. Tyńdaýshylardyń nazaryn polıtsııa qyzmetkerleriniń kásibıligine, halyqtyń senimine qol jetkizý úshin servıstik modeldiń mańyzdy elementi retinde aýdardy», - dep habarlady akademııada.
Polıtsııanyń jańa úlgige kóshýiniń osy jáne basqa da máseleleri kásiptik-psıhologııalyq daıarlyq kafedrasynyń aǵa oqytýshysy polıtsııa polkovnıgi N.I.Ibraımova ótkizgen sabaqtarda qaraldy. Pikirtalas túrinde qaýipsizdikti qamtamasyz etýdiń servıstik modeli jobasynyń iske asyrylý barysy talqylandy, polıtsııa qyzmetine jańa tásilderdi engizý úshin qyzmetkerlerdi júıeli oqytý qajettiligi atap ótildi. Internet keńistiginde ınternet-alaıaqtyq pen basqa da quqyq buzýshylyq túrleriniń kóbeıýine baılanysty kıberqylmysqa qarsy is-qımyl máseleleri bilim alýshylardyń kásibı qyzyǵýshylyǵyn týdyrdy.
«Kıberqaýipsizdik jáne aqparattyq tehnologııalar kafedrasynyń bastyǵy PhD doktory A.K. Bekıshev ınternet jelisinde aqparat alý boıynsha keıs kórsetti, kıbergıgıenany saqtaý, kıberqylmystardy anyqtaý jáne ashý boıynsha engizilip jatqan zamanaýı aqparattyq júıeler týraly máselelerdi qarady. Kýrsty aıaqtaǵan soń, Mańǵystaý oblysynyń polıtsııa departamentiniń bastyǵy polıtsııa general-maıory A.S.Dúısembaev oqýdan sátti ótken qyzmetkerlerge sertıfıkattar tabystap, Almaty akademııasynyń trenerlerine mundaı kýrstardy ótkizýdiń mańyzdylyǵyn atap ótip, Alǵys hattarmen marapattady. «Mobıldi Akademııa» kýrsy óńirlerde jalǵasýda», - dep habarlady ІІM Maqan Esbolatov atyndaǵy Almaty akademııasynyń baspasóz qyzmetinde.
