Mindetti esirtki skrınıngi: bıýdjetten qarjy bóline me
ASTANA. KAZINFORM – Memlekettik qyzmetshiler bul tekseristen óz qarajatyna ótedi. Bul jóninde QR Memlekettik qyzmet isteri agenttigi tóraǵasynyń orynbasary Salaýat Múksimov Senattyń jalpy otyrysynan keıin jýrnalısterge bergen suhbatynda málimdedi.
– Esirtki skrınıngi Densaýlyq saqtaý mınıstrliginiń erejelerine saı, jalpyǵa ortaq tártipppen ótedi, - dedi ol.
Tekseris aqysyn memlekettik qyzmetshiler óz qaltasynan tóleıdi.
– Mindetti esirtki skrınınginen ótýi tıis tulǵalar onyń shyǵynyn ózderi kóteredi. Memleketten bul úshin qarjy bólý qarastyrylmaǵan. Esesine, tekseristen ótken kúni jáne kelesi jumys kúni demalys beriledi, - dedi Salaýat Múksimov.
Sonymen birge, memlekettik qyzmetshilerdiń esirtki qoldanbaıtyny jóninde jalǵan anyqtama jasamaýyn Densaýlyq saqtaý mınıstrligi qamtamasyz etedi. Eki aı ishinde bul normaǵa qatysty barlyq zańnamalyq akti bekitiledi.
Aıta keteıik, buǵan deıin memlekettik qyzmetshiler mindetti esirtki skrınınginen ótetinin jazǵanbyz.
