MMS qory elordalyq medıtsına uıymdaryna jyl basynan beri 75,8 mrd teńge tóledi
Málimetke saı, qarjy tegin medıtsınalyq kepildendirilgen kómek kóleminde (TMKKK) bólingen.
«2019 jyldyń 22 qazanyndaǵy málimetter boıynsha, Qormen kelisimshart jasaǵan qaladaǵy medıtsınalyq qyzmet kórsetýshi uıymdarǵa 75,8 mlrd teńge tólendi. Bul jalpy kepildendirilgen medıtsınalyq kómek paketi sheńberinde bekitilgen kelisimshart somasynyń 74,7 paıyzyn quraıdy. Jumys kestege saı júrip jatyr. Bólingen qarajat medıtsına mekemeleriniń operatsııalyq shyǵyndaryn óteýge jetkilikti», - deıdi ÁMSQ Nur-Sultan qalasy boıynsha fılıalynyń dırektory Nurlybek Qabdyqaparov.
2019 jyly MSQ kepildendirilgen kómek túrlerin kórsetý úshin elordamyzdyń medıtsına uıymdarymen jasalǵan kelisimsharttardyń jalpy somasy 101,5 mlrd teńgeni quraıdy. Bul 2018 jyly bólingen (90,3 mlrd) qarjydan 11 paıyzǵa artyq.
Bıyl Qordyń Nur-Sultan qalasy boıynsha fılıaly tegin medıtsınalyq kepildendirilgen kómek aıasynda medıtsınalyq kómek kórsetýge 106 medıtsınalyq qyzmet jetkizýshimen 146 kelisimshart jasaldy. Olardyń ishinde jeke menshik klınıka da bar, Bıyl olardyń sany 2018 jylmen salystyrǵanda 34 %-ǵa artqan.
Esterińizge sala ketsek, Medıtsınalyq saqtandyrý qory 2018 jyldan bastap tegin medıtsınalyq kómektiń kepildik berilgen kólemi (TMKKK) jáne mindetti áleýmettik medıtsınalyq saqtandyrý (MÁMS) paketteri boıynsha úkimet belgilegen sheńberde turǵyndar úshin qyzmetterdi satyp alýshy qarjy operatory bolyp tabylady. ıAǵnı, halyqqa kórsetiletin medıtsınalyq qyzmet sapasy – qor baqylaýynda.
