«MMM-2011» jobasy qarjy pıramıdasy dep tanyldy
ASTANA. 24 qańtar. QazAqparat - Federaldy antımonopolııalyq qyzmet (FAQ) janyndaǵy qarjy naryǵy jónindegi sarapshylar keńesi Sergeı Mavrodıdiń «MMM-2011» jobasy qarjy pıramıdasy dep tanydy. Bul týraly sarapshylar keńesi otyrysy qorytyndylary boıynsha FAQ tóraǵasynyń orynbasary Andreı Kashevarov málim etti, dep habarlady RBK.
«Biz talqylaý nátıjeleri boıynsha qorytyndy jasaýǵa jáne ony quqyq qorǵaý organdaryna jiberýge daıynbyz. Ári qaraıǵy kvalıfıkatsııa - quqyq qorǵaý organdarynyń enshisinde», - dedi ol.
A.Kashevarov «MMM-2011» kestesinde ýáde etilgen kirister shynaıy túrde qabyldanady jáne júıeden shyǵarylady dep aıtylmaǵandyǵyn atap ótti.
«Meniń oıymsha, bul jalǵan», dedi ol.
FAQ tóraǵasynyń orynbasary jańa jobada alaıaqtyq belgilerdiń bar ekendigin, sondaı-aq, zańsyz kvazıbanktyq operatsııalardyń bolýy múmkindigin atap ótti.
