MMHQI rektory: Qazaqstannyń ultaralyq kelisiminiń biregeı tájirıbesin basqa elderde qoldanýǵa bolady
MÁSKEÝ. QazAqparat - Qazaqstandaǵy ultaralyq kelisim barlyq ulystar men mádenıetter ókilderiniń damýyna múmkindik beretin biregeı qubylys. M.V.Lomonosov atyndaǵy Máskeý memlekettik ýnıversıtetinde ótken «Qazaqstandyq jol»: turaqtylyq pen ornyqty damý faktorlary» atty ǵylymı-tájirıbelik konferentsııanyń aıasynda «QazAqparat» HAA tilshisine bergen suhbatynda bedeldi joǵary oqý orny - Máskeý memlekettik halyqaralyq qatynastar ınstıtýtynyń rektory Anatolıı Torkýnov osyndaı pikir bildirdi.
«Qazaqstandyq tájirıbeni basqa elderde qoldaný óte mańyzdy bolyp tabylady», - dep esepteıdi MMHQI rektory.
A.Torkýnovtyń aıtýynsha, damýdyń zamanaýı jolyna túsken Qazaqstan ornyqty turaqtylyqty saqtap, halyqtyń ál-aýqatyn arttyrýǵa múmkindik beretin júıeni quraı aldy.
Onyń pikirinshe, Prezıdentiniń bedeli arqasynda Qazaqstan búginde halyqaralyq saıası jáne ekonomıkalyq qatynastarda mańyzdy orynǵa ıe. Ol sondaı-aq, bizdiń elimizde onyń tabysty bolashaǵynyń kepili bolyp tabylatyn zııatkerlik jáne bilimdi elıtanyń qalyptasqanyn atap ótti.
