MMA tujyrymy boıynsha álem chempıony Taldyqorǵanǵa keldi
TALDYQORǴAN. QazAqparat - Aralas jekpe-jekten MMA tujyrymy boıynsha álem chempıony M-1 Shallenge 87 belbeýiniń ıegeri Arman Áshimov Taldyqorǵanǵa keldi. Jekpe-jek sheberi Reseıdiń Sankt-Peterbýrg qalasynda ótken chempıonatta fındik Mıkael Sılanderdi 2-shi raýndta nakaýtpen jeńgen bolatyn, dep habarlaıdy QazAqparat tilshisi.
Taldyqorǵandyqtar MMA aralas jekpe-jeginiń ýaqytsha chempıon ataǵyn jeńip alǵan Arman Áshimovke qurmet kórsetti.
Esterińizge sala keteıik qazaqstandyq jekpe-jek sheberi Arman Áshimov Reseıde ótken M-1 chelendj 87 aralas jekpe-jek týrnırinde jeńiske jetti. Sportshy 2-shi raýndta fındik Mıkael Sılanderdi nokaýtqa jiberip, eń jeńil salmaq sanatynda ýaqytsha chempıon atandy.
Arman Áshimov Almaty oblysy, Talǵar aýdanynyń Besaǵash aýylynda dúnıege kelgen. Jetisýlyq jas sportshy qazirgi tańda MMA sportynyń Qazaqstan chempıony. Birneshe jekpe-jek túriniń sheberi.
Taldyqorǵan jastarymen kezdesken Arman Áshimov óz bapkerleri jáne MMA federatsııa basshylarymen baspasóz máslıhatyn ótkizdi. Bolashaq josparlarymen bólisti. MMA jaýyngeri aldaǵy ýaqytta chempıon ataǵyn ózinde qaldyrý úshin ýkraındyq Aleksandr Doskalchýkpen kezdesýdi josparlap otyr.
«Jalpy Almaty oblysynyń quramasy MMA jekpe-jeginde kósh bastap keledi. Byltyrǵy el chempıonatynda jetisýlyq sportshylar komandalyq esepte kósh bastady. Bıyl Qazaqstan Respýblıkasynyń chempıonatyn Taldyqorǵanda ótkizý máselesi qarastyrylýda»,- deıdi Qazaqstan MMA federatsııasynyń prezıdenti Anatolıı Kım
