MMA sportshysy qarsylasyn uryp jyǵýdan bas tartyp, jeńis syılady
ASTANA. QazAqparat - AQSh-ta MMA erejeleri boıynsha áýesqoılar arasyndaǵy jekpe-jekte erekshe oqıǵa oryn aldy, dep habarlady sheteldik BAQ.
Kolledj stýdenti Maık Pantango Djeremı Resnermen jekpe-jekte sózsiz jeńiske jetip turǵan edi. Pantango birneshe mınýt boıy qarsylasyn aýyr soqqylardyń astyna alyp, tipti eseńgiretip te tastaǵan bolatyn. Alaıda ol kenetten rıngti uryp, óziniń jeńilgendigin bildirdi.
Osy oqıǵadan keıin MMA áleminde sportshynyń bul áreketiniń durys-burystyǵyna qatysty pikirtalas qyzyp sala berdi. Bireýlerdiń aıtýynsha, bul sport túrinde aıaýshylyq joq, qarsylasyńdy nokaýtqa jiberýiń qajet. Al ekinshi tarap Pantango áreketin naǵyz azamattyqqa balap, sportshynyń kásibı rıngtegi bolashaǵyn zor sanaýda.
