MMA sheberi Baqtygeldınovtiń Aýǵanstandaǵy jekpe-jegi ótpeıtin boldy
ASTANA. QazAqparat - Qazaqstandyq MMA sheberi Altynbek Baqtygeldınovtiń Aýǵanstandaǵy jekpe-jegi ótpeıtin boldy, dep habarlaıdy «SPORTINFORM» SAA.
Baqtygeldınov 27 shildede Kabýlda «Fight Night Afghanistan» shoýynda aýǵandyq balýan Rohýllah Mýhammadımen jekpe-jekke shyǵýy tıis bolǵan. Alaıda, Altynbek Kabýlǵa usha almady.
«Jekpe-jek ótpeıtin boldy. Bizge qate shaqyrý jibergen eken. Sonyń saldarynan, bizge vıza bergen joq. Bizdiń Mýhammadımen jekpe-jegimiz tamyz aıynyń sońyna aýystyrylatyn shyǵar», - dedi Altynbek Baqtygeldınov «SPORTINFORM» SAA tilshisine bergen suhbatynda.
Eske salaıyq, Altynbek Baqtygeldınov sońǵy ret mamyrda Germanııadaǵy «Integra FC9» týrnırine qatysyp, nemis sportshysy Oıgen Delldi jeńdi jáne jeńil salmaqtaǵy uıymnyń chempıon belbeýine ıe boldy.
