MMA: Nurtileý Ótegen jasóspirimder Azıadasynda kúmis medal aldy
ASTANA. KAZINFORM – Aralas jekpe-jekten Qazaqstan quramasynyń ókili Nurtileý Ótegen Manamada (Bahreın) ótip jatqan jasóspirimder arasyndaǵy Azııa oıyndarynyń fınalynda óner kórsetti.
QR UOK málimetinshe, sportshy 80 kelige deıingi salmaq dárejesinde altyn medal úshin aıqasqa shyqty.
Aqtyq synda otandasymyz Amırmahdı Vazıfehpen (Iran) kezdesti. Jekpe-jek óte tartysty ótti. Jeńimpaz tek overtaımda anyqtaldy. Amırmahdı qarsylasyn aýyrtý ádisimen jeńip, altyn medalǵa ıe boldy.
Osylaısha, Nurtileý Ótegen jasóspirimder Azıadasyn kúmis medalmen aıaqtady.
Buǵan deıin qazaqstandyq aralas jekpe-jek sheberi Sanjar Imanǵalı Manamada (Bahreın) ótip jatqan 2025 jylǵy jasóspirimder arasyndaǵy Azııa oıyndarynda kúmis júldeger atanǵanyn jazǵan edik.
Qazaqstandyq sportshy taekvondodan álem chempıonatynda tarıhı júlde jeńip aldy.
Sanjar Qartaı aralas jekpe-jekten jasóspirimder Azıadasynda chempıon atandy.