MMA: qazaqstandyq sportshy álem chempıony atandy
NUR-SULTAN. QazAqparat - Nıderlandy astanasy Amsterdamda 54 eldiń ókilderi baq synaǵan MMA boıynsha erler men áıelder arasyndaǵy GAMMA álem chempıonaty aıaqtaldy, dep habarlaıdy QazAqparat.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń aıtýynsha, Qazaqstan quramasyna oblystan eki sportshy endi. 56 keli salmaqta Ernaz Musabek chempıon atandy. Ol barlyq aıqastarynda qarsylastaryna esh múmkindik qaldyrmaı, aıqyn basymdyqpen jeńiske jetti.
52 keli salmaqta Tomırıs Júsipova, kúmis júldeni enshiledi.
Aqmola oblysynyń jekpe-jek óneri qaýymdastyǵynyń bas dırektory Jaslan Jantasov atap ótkendeı, MMA boıynsha Qazaqstan quramasy jeńiske jetti –a 17 medalmen jalpykomandalyq esepte birinshi oryn aldy.
