MMA: Qazaqstan men Ózbekstan sportshylary jańa chempıondy anyqtady
TAShKENT. QazAqparat – Ózbekstan astanasy Tashkent qalasynda aralas jekpe-jekten qazaqstandyq promoýshn Octagon-nyń týrnıri aıaqtaldy, dep habarlaıdy QazAqparat.
Sports.kz málimetinshe, keshtiń basty jekpe-jegi qazaqstandyq Janserik Jaqsyǵulov (4-2) pen ózbekstandyq Doston Bozorov (7-1) arasynda ótti. Olar jeńil salmaqtaǵy «ýaqytsha» tıtýl úshin baq talastyrdy. Kezdesý nátıjesi birinshi raýndta D.Bozorovtyń jeńisimen tehnıkalyq nokaýtpen aıaqtaldy.
Osylaısha, ózbekstan sportshysy kásibı mansabynda 8-ret jeńiske jetip, Octagon-nyń jeńil salmaqtaǵy «ýaqytsha» chempıony ataǵyn ıelendi. Al J.Jaqsyǵulov úshinshi ret jeńilis tapty.
Sondaı-aq týrnır barysynda ózge qazaqstandyq faıterler óner kórsetti. Ózbekstan ókili Islomjon Olımjonov (1-1) qazaqstandyq Shyńǵyshan Oralbaevty (1-1) alǵashqy 52 sekýndta nokaýtqa jiberdi.
Qazaqstandyq Abdýrahman Ómirzaqov (2-0) ózbekstandyq Asad Kahorovpen (3-1) kúsh synasty. Jekpe-jek belgilengen barlyq úsh raýndqa sozylyp, tóreshilerdiń biraýyzdy sheshimimen A.Kahorovtyń jeńisimen aıaqtaldy.
Qazaqstandyq Ádil Boranbaev (20-9-1) oktagonǵa Ózbekstan sportshysy Bobýr Abdýlazızben (10-8) shyqty. Tóreshiler jeńisti Qazaqstan ókiline berdi.
