MMA-dan Qazaqstan quramasy Álem chempıonatynyń «altynynan» úmitti
ASTANA. QazAqparat - MMA-dan Qazaqstan ulttyq quramasy qarasha aıynda Bahreın koroldiginde ótetin Álem chempıonatyna daıyndyǵyna kirispek, dep habarlaıdy QazAqparat.
Qazaqstan MMA qaýymdastyǵynyń tóraǵasy Asylbek Dúısenovtiń aıtýynsha, komanda aldynda MMA boıynsha álem chempıonatynda jalpykomandalyq birinshi oryndy ıelený maqsaty tur.
Qazirgi ýaqytta sportshylardyń daıyndyǵy úshin barlyq jaǵdaı jasalǵan. Oqý-jattyǵý jıyndarynyń orny men ýaqyty da belgilengen.
Oqý-jattyǵý jıyndarynyń birinshi daıyndyq kezeńi 25 qyrkúıekte bastalady dep josparlanýda.
Ulttyq quramanyń sabynan jáne oǵan úmitkerlerdiń arasynan shaqyrylǵan sportshylardyń jarysqa qatysý shyǵandaryn Qazaqstan MMA federatsııasy óz moınyna alady. Daıyndyq jıyndarynyń nátıjesi boıynsha bapkerler quramy Federatsııa basshylyǵynyń kelisimimen Álem chempıonatyna attanatyn sportshylardyń quramyn bekitetin bolady.
