MMA-dan Qazaqstan quramasy álem chempıonatyna Aqtóbede daıyndalady
ASTANA. QazAqparat - Aralas jekpe-jekten Qazaqstan quramasy oqý-jattyǵý jıynyna Aqtóbe qalasyna attandy. Sportshylar eki apta boıy Astanada 6-7 qazan kúnderi ótetin WMMAA nusqasy boıynsha V álem chempıonatyna tyńǵylyqty daıyndalady, dep habarlaıdy QazAqparat.
MMA, pankratıon jáne grepplıng ulttyq federatsııasynyń baspasóz qyzmetiniń málimetinshe, MMA-dan Qazaqstan quramasynyń 10 sportshysy, onyń ishinde eki qyz MMA-dan álem chempıonatyna daıyndyqty kúsheıtpek.
Qazaqstan quramasynyń negizgi quramy belgilengen. Biraq oqý-jattyǵý jıyny barysynda keıbir ózgerister engizilýi yqtımal. 52,2 keli salmaq dárejesinde Zarına Qadyrbaeva, Marııa Agapova (61,2 keli), Sanjar Ádilov (56,7 keli), Abylaı Tólesh (61,2 keli), Denıs Mýtsnık (65,8 keli), Azamat Baqtybaev (70,3 keli), Temirlan Yqsanǵalıev (77 keli), Erkinbek Іnjil (84 keli), Raıhan Mádı (93 keli), Astapov Sasha (93 keli) óner kórsetedi.
Qazaqstan quramasynyń bas jattyqtyrýshysy Aıbek Shoqpytov sportshylar «Álıhan» sporttyq kesheninde álemdik deńgeıdegi dodaǵa daıyndalýda. Olarmen kezdesip, oqý-jattyǵý jaǵdaıymen tanysý úshin QR MMA, pankratıon jáne greplıng Ulttyq federatsııasynyń prezıdenti Saǵyndyq Mekeev keldi.
«Sportshylarymyzdyń daıyndyǵyna kýá boldym. Jattyǵý zaly yńǵaıly. Olardyń demalýyna arnalǵan bólmelerdi araladyq. Tamaqtandyrý deńgeıi kóńil kónshitedi. Jalpy Astanadaǵy álem chempıonatyna daıyndyq úshin qolaıly jaǵdaı jasaýǵa tyrystyq», - dedi ol.
MMA boıynsha V álem chempıonatyn MMA, pankratıon jáne grepplıng ulttyq federatsııasy Astana qalasy ákimdiginiń, QR Aqparat jáne kommýnıkatsııa mınıstrliginiń, «Samuryq-Qazyna» AQ qoldaýymen uıymdastyryp otyr.
Aıta keterligi, MMA (Mixed Martial Arts - aralas jekpe-jek) - álemde jedel damýǵa bet alǵan sport túrleriniń biri. Aralas jekpe-jek AQSh, Eýropada, Qytaıda, Úndistanda jáne álemniń basqa memleketterinde belsendi damyp keledi.
