MMA-dan Daǵystanda ótken ashyq chempıonatta jappaı tóbeles boldy
ASTANA. QazAqparat - Daǵystanda ótken aralas jekpe-jekten ashyq chempıonatta jappaı tóbeles oryn aldy, dep habarlaıdy TASS agenttigi.
Oqıǵa senbi kúni Vladımır Mıneev pen Azız Jýmanııazov arasyndaǵy jekpe-jek kezinde boldy
«Aıqas sońyna jetip, balýandar edennen turyp jatqan ýaqytta bizdiń sportshymyz (Jýmanııazov) Mıneevti aıaǵymen bir teýip, ketip bara jatty. Sol sátte Vladımır ornynan atyp turyp, Azızdi bir urdy. Sodan soń eki sportshynyń da jaqtastary rıngke shyǵyp, kishigirim qaqtyǵys oryn aldy. Barlyǵyn sabyrǵa shaqyryp, jaǵdaıdy rettedik. Eki balýan trıbýna astyndaǵy bólmege kirip, bir-birinen keshirim surap, qol alysty», - delingen «Gorets» MMA daǵystandyq klýbynyń «Vkontakte» jelisindegi habarlamasynda.
