MMA-dan 2021 jylǵy álem chempıonaty Qazaqstanda ótedi
NUR-SULTAN. QazAqparat - MMA-dan 2021 jylǵy álem chempıonaty Qazaqstanda 27 qarasha men 5 jeltoqsan kúnderi aralyǵynda ótedi. Eresekter arasyndaǵy jaryspen qatar Qazaqstanda jastar arasyndaǵy (18-20) álem chempıonaty da ótedi. Bul týraly Reseıdiń MMA Odaǵynyń prezıdenti Radmır Gabdýllın málim etti, dep habarlaıdy QazAqparat Sports.kz saıtyna silteme jasap.
«Naýryzdyń basynda ulttyq quramany qalyptastyratyn Reseı chempıonatyna federaldyq okrýgter boıynsha irikteý kezeńi bastalady. Bıyl okrýgterdegi keıbir chempıonattarda áıelder quramasyna irikteý de bastalatyny óte mańyzdy», - dedi Gabdýlllın.
Eske sala ketsek, taıaýda Almatyda aralas jekpe-jekten Naiza FC 29 jarysy aıaqtaldy. Qazaqstandyq feıter Serik Razgalıev kásibı mansabyndaǵy altynshy jekpe-jegin jeńispen aıaqtady. Onyń qarsylasy Qyrǵyzstan sportshysy Manas Temirbekov bolǵan.
