MMA chempıondary qazaqstandyq Andjelına Djolıge sáttilik tiledi
ASTANA. QazAqparat - Búgin elordada bastalǵan qyzdar arasyndaǵy bokstan el chempıonatynda 64 keli salmaq dárejesinde Qazaqstannyń talantty boksshylarynyń biri Zarına Tsoloeva sharshy alańǵa shyǵady, dep habarlaıdy QazAqparat.
MMA-dan Qazaqstan chempıony Varvara Poltoranına, MMA-dan Qazaqstan chempıony Ernaz Musabek jáne MMA-dan Qazaqstannyń eki dúrkin chempıony, Azııa chempıony Ismaıl Geroev Instagramdaǵy ózderiniń paraqshalary arqyly Zarınaǵa el birinshiliginde sáttilik tilep, vıdeoúndeý joldady .
MMA boıynsha tanymal kásibı sportshy Sergeı Morozov ta Zarınanyń jeńiske jetýine tilekshi ekendigin bildirdi .
Esterińizge sala ketsek, Zarına Tsoloeva 2014 jyly bokstan Qazaqstan chempıony atansa, 2016 jyly qola medal ıelengen edi. Ol sport jankúıerleri arasynda óziniń bet-álpetiniń gollıvýdtyq juldyz Andjelına Djolıge uqsastyǵymen este qalǵan bolatyn.
