MMA boıynsha Azııa chempıonatynda Qazaqstannyń sportshylary úsh «altyn» aldy
ASTANA. QazAqparat - Astanada MMA aralas jekpe-jekten Azııa chempıonaty ótýde. «Qazaqstan» sport saraıynda aqtyq saıystar aıaqtaldy.
«77,1 keli salmaqta qazaqstandyq Shavkat Rahmonov reseılik Bek Ýmarovpen kezdesip, jeńiske qol jetkizdi», dep jazady sports.kz. 84 kelige deıingi dárejede Qazaqstannyń atynan shyqqan Daýren Ermekov tájikstandyq Islomdjon Alızodty tehnıkalyq nokaýtqa jiberdi. Al 93 keli salmaqta altynǵa elimizdiń sportshysy Mýrad Abdýrahmanov qol jetkizdi. Azııa chempıonatynyń fınaldyq jekpe-jekteriniń barlyq jeńimpazdary anyqtaldy. Rıngke endi M-1 challenge 48 "Battle of Nomads" kásibı týrnıriniń sportshylary shyǵady.
