MMA boıynsha Azııa chempıonatynda Qazaqstan atynan jeti sportshy shyǵady
Búgin Astanada Ortalyq kommýnıkatsııalar qyzmetinde ótken brıfıngte atalǵan sport túriniń qazaqstandyq federatsııasyn basqaratyn Anatolıı Kım birinshilikke qatysatyn quramany jarııa etti: Azamat Marqabaev (61,2 kg), Ismaıl Geroev (65,8 kg), Neımat Asadov (70,3 kg), Goıtı Dazaev (77,1 kg), Baýyrjan Qýanyshbaev (84 kg), Erkinbek Injel (93 kg) men Mohmad Sýlımanov (+93 kg).
«Sońǵy úsh jyl boıy biz Azııa chempıonatynda birinshi oryn alyp kelemiz. Álem boıynsha ekinshi oryndardamyz. Bizdiń basty maqsatymyz - osy kóshbasshylyqty saqtap qalý. Shynyn aıtqanda, ony isteý qıyn, sebebi bizdiń qarsylastar da bir orynda turǵan joq», - dep atap ótti A.Kım.
Onyń sózi boıynsha, atalǵan birinshilikke Azııanyń onǵa tarta memleketi qatysady. Olardyń qatarynda Qyrǵyzstan, Ózbekstan, Tájikstan, Iran, Qytaı jáne basqalary. Azııa chempıonatyn Búkilálemdik MMA federatsııasynyń qurmetti prezıdenti Fedor Emelıanenko ashady.
Sonymen qatar Ońtústik Koreıada «BATTLE OF NOMADS-9» kásipqoı týrnıri ótpek. Onda Qazaqstan namysyn úsh sportshy: Qadyrjan Ábilqaıyr (65,8 kg) men «Kazakhstan MMA TOP TEAM» tobynyń eki maıtalmany - Shavkat Rahmonov (80 kg) pen Sergeı Morozov (61,2 kg) qorǵaıdy.
foto: extrimpower.ru
