MMA boıynsha Astana qalalyq chempıonatynyń jeńimpazdary anyqtaldy
ASTANA. QazAqparat - MMA boıynsha Astana qalasynyń jyl saıynǵy chempıonaty aıaqtaldy, dep habarlaıdy elorda ákimdiginiń resmı saıty.
Básekede 16 jastan asqan 50-ge jýyq sportshy kúsh synasty.
16-17 jas aralyǵynda birinshi oryndy Dáýlet Jaras, Temirlan Taǵaev, Bekjan Asanov, Narıman Nurumjanov, Eldjan Gasanov, Esqat Nurolla jáne Nesibhan Sadyhan ıelendi. 18 jáne odan joǵary jasta Ilıas Mustafın, Dáýren Mataqbaev, Aqylbek Rashev, Ahat Keńesbekov, Baǵlan Telibaev, Meırambek Demeýbaev jáne Málik Temirsultanov birinshi orynǵa ıe boldy.
«Astana chempıonatynyń júldegerleri arasynan Almaty qalasynda ótetin MMA-dan Qazaqstan chempıonatynda baq synaıtyn qala quramasy jasaqtalady», - dep málim etti Qazaqstan MMA federatsııasynyń baspasóz qyzmetinde.
