MMA boıynsha álem chempıonatynda Qazaqstan bir kúnde eki «altyn» enshiledi
NUR-SULTAN. QazAqparat – «Ábý-Dabıde ótip jatqan MMA boıynsha álem chempıonatynda Qazaqstannyń úshinshi ókili fınaldyq jekpe-jegin ótkizdi, dep habarlaıdy Sports.kz QR MMA federatsııasynyń baspasóz qyzmetine silteme jasap.
Qazaqstandyq boksshy Bekzat Jasııa 65,8 keli salmaq dárejesinde fınaldyq jekpe-jekte ıspanııalyq Hýan Izkıredomen kezdesti.
Jasııa jekpe-jekte jeńiske jetip, mansabynda alǵash ret álem chempıony atandy.
Eske salaıyq, buǵan deıin Baǵdat Jubanysh 52,2 keli salmaq dárejesinde úshinshi álem chempıony ataǵyn jeńip alǵan bolatyn. Taǵy bir balýan Dastan Jaqypbekov fınalda jeńilip, 56,7 keli salmaqta kúmiske qol jetkizdi.
