MMA álem chempıonaty: Lev Vıns fınalǵa shyqty
ASTANA. QazAqparat - IMMAF nusqasy boıynsha MMA álem chempıonatynda Qazaqstandyq sportshy Lev Vıns fınalǵa shyqty dep habarlaıdy QazAqparat.
«Batyrymyz Lev Vıns IMMAF nusqasy boıynsha Bahreınde ótip jatqan álem chempıonatynyń fınalyna shyqty!», - dep jazady «Samuryq-Qazynanyń» qoǵammen baılanys qyzmeti basshysy Feısbýktegi paraqshasynda Aıdar Mahmetov.
Eske sala keteıik, Bahreınde MMA sport túrinen álem chempıonaty 12 qarasha kúni bastalǵan bolatyn. Onda 14 salmaq dárejesinde 51 elden 252 sportshy baq synaýda. Qazaqstan namysyn qorǵaýǵa Ulttyq quramanyń 15 sportshysy attanǵan.
Ázirge Qazaqstan Bahreın memleketinde MMA sport túri boıynsha ótip jatqan Álem chempıonatynda úzdik úshtikke enip otyr.
