Mlechınniń Qańtar jaıyndaǵy kitaby negizinen Prezıdent Toqaev týraly - Erbol Edilov
«Reseılik jýrnalıst ári pýblıtsıst Mlechınniń «Qańtar tragedııasy. Prezıdent Toqaev jáne sabaq alý» kitaby áleýmettik jeliniń qazaqstandyq segmentin biraz daýryqtyrdy. Al keıbir telegram-kanaldar otqa maı quıa tústi. Degenmen, eger buǵan obektıvti túrde qaraıtyn bolsaq, onda synnyń bári «oqyǵan joqpyn, biraq kinárat artamyn» degen formýlaǵa negizdeledi. Eshkim, ásirese jýrnalıster men saıasattanýshylar konteksten esh ýaqytta julyp alýǵa bolmaıtyndyǵyna daýlasa qoımas. Biraq, mundaı jaıt oryn alyp jatyr. Keıbir keltirilgen tezıster birjaqty emes ári daýly ekendigimen kelisemin. Alaıda, taǵy qaıtalap aıtamyn, aldymen kitapty tolyq oqyp shyǵý kerek. Máselen, Gıtlerdiń «Maın kampf» kitabyn eger ishinde birneshe jaqsy ıdeıa men áleýmettik ádilettilik bolǵany úshin qaıyrymdy ári adal kitap deýge bolmaıtyndyǵy anyq. Ekinshi jaǵynan «Qańtar tragedııasy» kóp jaǵdaıda jyl basynda Qazaqstanda bolǵan oqıǵa jáne ondaǵy Prezıdent Qasym-Jomart Toqaevtyń ornyna qatysty jumsartyp aıtqanda teris túsinigi bar reseılik aýdıtorııaǵa arnalǵan. Avtor reseılik saıasattanýshylardyń Qazaqstanǵa qatysty áreketteri «qazaq halqyn alańdatyp, dúrliktiredi jáne antıreseılik kóńil-kúıdi anyq týdyrady» dep týrasyn aıtady. Endigi qalǵany bul kitap Reseıdiń barlyq oqyrmanyna bolmasa da sol bir saıasatkerlerge, ózderin jýrnalıstpin deıtin úgitshilerge jetkenine úmit artý», - dep jazly Erbol Edilov Telegram-da.
Sarapshynyń aıtýynsha, atalǵan kitapqa jáne ondaǵy tsıtatalardyń jarııalanýyna da nazar aýdarmaı qoıýǵa bolmaıdy.
«Tek obektıvti qarap, árbir jolyn jiti oqý jáne Mlechın bireýlerdiń sózimen jazǵanyna, qalaı degende de jazýshy retinde bir nárselerdi qosqanyna túsinistik tanytý kerek. Dál osy ustanymmen osy kúnderi paıda bolǵan bir-eki tezısti qarastyryp kórgim keledi. Birinshiden, olar alǵashqy kúnderi «Toqaev kúshtik qurylymdar uıymdastyrǵan naǵyz aqparattyq oqshaýlaýda qaldy» jáne «ony aýqymdy tártipsizdiktermen, negizgi oblys ortalyqtaryna shabýyldaǵan bandıtterdiń sanymen, olardyń Aqordaǵa – Prezıdent rezıdentsııasyna shabýyldaý josparymen qorqytty» degen tezıster. Shyndap kelgende, solaı bolǵan sııaqty. Mundaı nusqany tipti keıbir otandyq táýelsiz BAQ-ta usyndy. Aıtpaqshy, Prezıdenttiń bandıtterge qarsy oq atý buıryǵy da búkil málimdemeniń ishinen julyp alynǵan. Osyny nazarǵa alar bolsaq, kitaptaǵy «Murat Bektenov óziniń ókilettigin asyrǵany anyq jáne qajeti bolmaı qalǵan kezde kúsh qoldandy» degen kelesi bir tezıs barynsha túsinikti bola túsedi. Burynǵy Qorǵanys mınıstri Bektenovke qarsy aıyptaýlardyń ýaqyty óte kele ózgergenin eskersek, munymen bári de kelisedi», - dep sanaıdy Erbol Edilov.
Aıta keteıik, 20 jeltoqsanda Reseıdegi Qazaqstan elshiliginde Leonıd Mlechınniń «Qańtar tragedııasy. Prezıdent Toqaev jáne sabaq alý» kitaby tanystyrylǵan bolatyn.
Dál osy kitaptyń Almatydaǵy tusaýkeseri 24 jeltoqsanǵa josparlanǵan edi. Alaıda, avtordyń koronavırýs juqtyryp alýyna baılanysty qańtar aıyna shegerildi.
Foto: time.kz
