MQK Mınskidegi lańkestik sebepterine qatysty úsh boljam jasady
MINSK. 13 sáýir. QazAqparat /Aıtýar Mamlın/ - 11 sáýir kúni Mınskiniń metrosynda bolǵan qaıǵyly oqıǵaǵa baılanysty Belarýs astanasynda búgin jarylys kezinde qaza tapqandarǵa arnalyp Qasiret kúni jarııalandy.
Mınskiniń ǵımarattaryndaǵy qara jolaq baılanǵan memlekettik týlar jartylaı túsirilgen.
Jergilikti BAQ ókilderi habarlap otyrǵandaı, Belarýs MQK Mınskidegi lańkestikke qatysty úsh boljamdy alǵa tartyp otyr. Arnaıy qyzmetterdiń habarlaýynsha, ol jaǵdaıdy turaqsyzdandyrý, ekstremısterdiń kegi nemese densaýlyǵynda kemistik bar adamnyń áreketi bolýy yqtımal.
Sarapshylar jarylǵysh qurylǵynyń túrin de anyqtady, ol radıobasqarylatyn qurylǵy bolyp shyqty. Sonymen qatar qazirgi kúni alǵashqy ustalǵandar da bar, kúdikti retinde bir adam anyqtaldy, onyń sybaılastary da bolýy múmkin.
