MKD qyzmetkeri shekaradan kólikti kedergisiz ótkizý úshin 75 mln teńge para alǵan

ASTANA. KAZINFORM — Memlekettik kirister departamentiniń burynǵy qyzmetkeri 75 mln teńge para alǵany úshin 10 jylǵa sottaldy, dep habarlaıdy Bas kólik prokýratýrasy.

BQO qylmystyq ister jónindegi mamandandyrylǵan aýdanaralyq soty Grýzııadan ekstradıtsııalanǵan BQO boıynsha Memlekettik kirister organdarynyń burynǵy qyzmetkerine asa iri mólsherde para alǵany úshin úkim jarııalady.

— Sot protsesi barysynda kólik prokýratýrasynyń memlekettik aıyptaýshysy sottalýshynyń memlekettik fýnktsııalardy oryndaýǵa ýákiletti tulǵa bola otyryp, 2021 jylǵy jeltoqsan men 2022 jylǵy qyrkúıek aralyǵynda Qazaqstan-Reseı shekarasyndaǵy avtomobıl ótkizý pýnkti arqyly kólik quraldarynyń kedergisiz ótýi úshin 75 720 000 teńge somasynda para alǵanyn dáleldedi. Sottalǵan memlekettik jáne qarjy uıymdarynda jumys isteý quqyǵynan jáne 10 jylǵa bas bostandyǵynan aıyryldy. Sonymen qatar, sot múlikti tárkileýdi qoldanyp, sottalýshydan para somasyn óndirip aldy, — delingen habarlamada.

Sot úkimi zańdy kúshine engen joq.

Aıta keteıik, budan buryn «Alakól» qoryǵynyń birneshe basshysy para aldy dep sottaldy.